Demokratët Kristianë të Gjermanisë i shmangen sfidës së ekstremit të djathtë AfD, duke marrë 36 përqind të votave, tregojnë rezultatet e sondazheve.
Konservatorët e Kancelares Angela Merkel realizuan një fitore të jashtëzakonshme në zgjedhjet shtetërore të Gjermanisë Lindore të dielën, me një rritje të Armin Laschet, i cili shpreson ta kalojë atë rezultat në zgjedhjet kombëtare të Shtatorit.
Në një sondazh tjetër të dalë nga zgjedhjet nga landi i Saxony-Anhalt, Demokratët e Krishterë (CDU) kishin 36 përqind të votave, gjashtë pikë më shumë krahasuar me pesë vjet më parë dhe ishin shumë përpara Alternativës së ekstremit të djathtë për Gjermaninë (AfD), të cilët kishin vetëm 22.5 përqind, dhe më pak se zgjedhjet e mëparshme.
Laschet, u pa se kishte startuar me një fillim të pasigurt në fushatën e tij zgjedhore dhe aty ishte përballur me thirrje për të hartuar një vizion më të djathtë për të fituar përsëri votuesit e zhgënjyer nga 16 vjet kompromis nën Merkelin.
“Ne kemi fituar zgjedhjet,” tha kryetari i landit Saksonia-Anhalt Reiner Haseloff pasi dolën sondazhet. “Një shumicë e madhe e qytetarëve tanë kanë thënë që ne nuk duam të shoqërohemi me AfD. Dhe për këtë unë jam mirënjohës. ”
Ai dhe konservatorët e tjerë e përshëndetën rezultatin e arritur përpara zgjedhjeve federale.
“Kjo do të na japë një nxitje për Berlinin,” tha udhëheqësi i grupit parlamentar konservator kombëtar Ralph Brinkhaus. “është një fitore për Armin Laschet.”
AfD ka lëvizur në mënyrë të qëndrueshme më tej në të djathtë në vitet e fundit dhe kapitulli i saj në Saksoninë-Anhalt është vënë nën vëzhgim të shtuar nga shërbimi i inteligjencës së brendshme të Gjermanisë për lidhjet e saj me grupet ekstremiste.
Ndërsa zgjedhjet në 16 landet e Gjermanisë shpesh ndikohen nga çështjet lokale dhe ndjenjat e votimit, ato gjithashtu shihen si alarme të rëndësishme për gjendjen kombëtare.
Një fitore e fortë për CDU do të shihej si një shenjë që Laschet, lideri i ri i partisë, të mund të shpresojë për mbështetje si nga konservatorët ashtu edhe nga centristët më 26 shtator, ku synon të mbajë pushtetin në nivelin federal pavarësisht se kancelarja Merkel nuk kandidon sërisht.
Ndërkohë, rezultati i zgjedhjeve, nëse parashikimet e bazuara në numërimin e pjesshëm konfirmohen, do të ishte një mbështetje e fortë për Haseloff, i cili tani ka komoditetin të jetë në gjendje të zgjedhë nga tre koalicione të mundshme me partitë më të vogla.
67-vjeçari, popullariteti i të cilit në këtë shtet ishte një tërheqje e fortë për votuesit, përjashtoi çdo bashkëpunim me AfD ose ish-partinë e majtë komuniste, të cilët ishin parashikuar të merrnin vetëm 10.9 përqind të votave – një rekord i ulët në shtet.
Social Demokratët e qendrës së majtë, partnerë të rinj në koalicionin qeverisës të Merkel, gjithashtu dolën më keq se pesë vjet më parë dhe pritej të merrnin rreth 8.4 përqind, ndërsa të Gjelbrit ambientalist bënë një rritje modeste për të marrë 6.2 përqind.
Për udhëheqësen e të Gjelbërve, Annalena Baerbock suksesi i CDU-së ishte tek votuesit që kërkonin të bllokonin AfD-në. Shumë njerëz kishin votuar për CDU-në sepse “nuk dëshironin ekstremistë të djathtë në qeveri”, tha ajo.
Ajo pranoi megjithatë se shfaqja e të Gjelbërve ishte më e dobët se sa shpresohej, pasi ajo fajësoi peisazhin elektoral “specifik” në Saksoninë-Anhalt.
Projeksionet treguan gjithashtu se Demokratët e Lirë pro-biznesit hynë përsëri në asamblenë e shtetit pasi humbën pesë vjet më parë, duke marrë 6.5 përqind.
