Plastika mund të jetë shumë e vështirë të riciklohet. Ekzistojnë lloje të ndryshme të plastikës, të gjitha me veti të ndryshme dhe kërkesa të ndryshme për riciklim.
Plastika shpesh kontaminohet nga ushqimi ose ndonjë substancë tjetër dhe duhet pastruar plotësisht para se të fillojë riciklimi.
Në bazë të kësaj kuptojmë se është një fakt i thjeshtë se shumica dërrmuese e plastikës nuk dërgohet kurrë në objektet e riciklimit, sepse njerëzit, kompanitë e neglizhojnë këtë proçes ose pajisjet e përshtatshme nuk ekzistojnë.
Por Dr. Moritz Kuehnel, një shkenctar në Universitetin Swansea në Mbretërinë e Bashkuar, mund të ketë gjetur një mënyrë për të kapërcyer të gjitha këto probleme.
Sipas BBC, Kuehnel ka zbuluar një mënyrë për t’i kthyer mbeturinat plastike në karburant hidrogjeni. Metoda e tij funksionon në disa hapa.
Së pari, plastika pritet dhe ashpërsohet për t’u bërë më poroze. Më pas, një katalizator kimik shtohet në plastikë para se të futet në një tretësirë alkaline. Drita e diellit ose një llambë diellore më pas shkëlqejnë në përzierje për të gjeneruar flluska hidrogjeni.
Më në fund, ato flluska mund të kapen dhe të shndërrohen në karburant, dhe pjesët e mbetura plastike, tani të ndara dhe të pastruara, mund të shndërrohen në plastikë të re.
Pjesa më e mirë është që çdo plastikë mund të vendoset përmes këtij procesi, duke përfshirë triliona copa plastike që po ndotin oqeanet e botës.
“E bukura e këtij procesi është se nuk është shumë zgjedhëse,” tha Kuehnel. “Mund të degradojë të gjitha llojet e mbeturinave. Edhe nëse ka ushqim ose pak yndyrë kjo nuk e ndalon reagimin, por e bën atë më mirë “.
Kuehnel i tha BBC se do të kalojnë disa vjet para se procesi të jetë gati për përdorim industrial, por potenciali i tij mund të jetë i konsiderueshëm.
Çdo vit, bota prodhon më shumë se 380 milion ton plastikë çdo vit dhe 75% e kësaj hidhet, për të mos ricikluar kurrë.
Deri në 13 milion ton të kësaj plastike hyjnë në oqeanet e botës, më shumë sesa një kamion me mbeturina hidhet çdo minutë, duke shkaktuar dëm të madh në jetën detare.
Kompani të ndryshme, të tilla si Adidas, kanë filluar të përpiqen të mbledhin këtë plastikë në oqean dhe ta ripërdorin atë në mallra të konsumit, duke eleminuar kështu plastikën e virgjër nga zinxhirët e tyre të furnizimit.
Dhe organizatat jofitimprurëse siç është “Clean the Ocean“ po fillojnë ekspeditat masive për të hequr plastikën nga oqeani.
Procedura e Kuehnel është potencialisht më e rëndësishme sepse gjeneron një burim të karburantit që mund të jetë deri në 50% më i pastër se burimet tradicionale të karburantit dhe nuk kërkon investime të mëdha për të pastruar plastikën e ndyrë.
